Wuer geet dat hinn ?

Mir si kënneg op der ganzer Welt, mir si jo globaliséiert, awer mer fannen äis heiheem net méi am eegene Gewulls erëm. Eis grouss Lotsen, déi äis de Wee solle weisen, déi hunn all den Tommel, well se mam Kapp an déi vill Schëlter gerannt sinn, déi se sech selwer an d'Féiss gesat hunn.

Da muss eben elo jidderee kucken, wéi e selwer eens gëtt. Vun uewe kënnt keng Rettung, a vu ganz uewe scho guer net. Hei hëlleft och kee Biede méi.

Den Uewen ass äus, mir mussen esouguer d' Äschen importéieren, déi mer äis elo sollen op de Kapp ze streeën.

Wuer geet dat hinn ? Si mer verluer a verdaamt ? Neen, et ass nach eng kleng Glous do, a vläicht kréie mer dat Feier erëm ugefaang, wa mer gutt fest dra blosen an dra stëppelen.

Mir probéieren et, mir heesche jo net fir näischt : d' Feierstëppeler.

Première: den 13. November 2010 zu Wahl am Kader vun de Feierlechkeeten vun 100 Joer Waler Musik